Vi i Visit Fjordkysten og Sunnfjord er stolte av vår kulturelle rikdom, vårt naturmangfald og våre unike ressursar. Vi arbeider for å vere eit ledande eksempel på berekraftig reiselivsutvikling samtidig som vi tek vare på kultur, natur og miljø for nåverande og kommande generasjonar. Vår visjon er å skape ein destinasjon som foreinar reiseliv og lokalsamfunn til det beste for gjestar, innbyggarar og næringa, for miljøet og vår natur- og kulturarv.
Vi er Miljøfyrtårn
Visit Fjordkysten og Sunnfjord er Miljøfyrtårn-sertifisert. Dette betyr at våre praksisar og prosedyrar innan miljøoppfølging møter kriteria sett av Miljøfyrtårn-stiftinga. Vi kan stadfeste at strenge krav innan område som arbeidsmiljø, innkjøp, energi, transport og avfall er oppfylte.
Miljørapport
Her vil du etter kvart finne våre miljørapportar.
Merket for Berekraftig reisemål
I tråd med Visit Fjordkysten og Sunnfjord sin strategi og handlingsplan for 2023-2026 har destinasjonsselskapet starta arbeidet med å kvalifisere for Innovasjon Norge sitt «Merket for Bererkraftig Reisemål. Arbeidet er organisert i eit 2-årig porsjekt som involverar reiselivsaktørar og reisemål i dei seks kommunane Askvoll, Fjaler, Hyllestad, Kinn, Solund og Sunnfjord. Prosjektet gjennomførast med støtte frå Innovasjon Norge, og alle kommunestyrene har slutta seg til handlingsplanen.
Reis Betre
Visit FjordKysten og Sunnfjord har fokus på å ivareta dei unike og reine naturressursane og skape opplevingar knytt til lokal kultur og nære verdiar. Som gjest er du ein viktig bidragsytar i vårt arbeid, og gjennom små og gode valg kan du gjere reisa di så skånsom som mogleg.